Profesorado

Formada en ritmos afrolatinos  tales como a salsa, a rumba cubana, a bachata ou a kizomba.
Por outra banda tamén se formou en diversas disciplinas como o Pilates e diferentes estilos de danza.
Leva máis de 10 anos impartindo clases, foi coreógrafa da compañía amateur Güiro y Bongó e actualmente desenvolve o seu traballo no estudio Sondanza.

Comezou a súa andaina no mundo da patinaxe artística e o seu afán por medrar levouna a introducirse no mundo da danza como un complemento para o seu deporte acabando por convertirse na súa paixón. Conta cunha ampla formación da Royal Academy of Dance, pero eso non foi o único. Tamén se formou en ritmos africanos e latinos, jazz, cabaret, danza contemporánea, lindy hop, pole dance...
Dende o curso 20/21 imparte clases de ballet e ballet fitness en Sondanza de forma regular e achéganos ao mundo da patinaxe cos seus talleres de rollerfit dance.

Apaixoada pola danza, comeza a súa formación en Cangas, onde non só se forma como alumna, senon tamén como docente.

Traballou nunha compañía de danza como bailarina de cabaret, baile galego e hip hop.

Tras 8 anos de arraigo no seu centro e asistindo a diversos cursos de carácter nacional e internacional, a vida lévaa a Santiago, onde se incorpora ao noso equipo.

A pesar da súa curta idade, Aga formouse especialmente en danzas urbanas (sobre todo hip-hop, newstyle) e heels. E competiu durante 3 anos nun grupo de categoría absoluta de danzas urbanas.
Actualmente compatibiliza a súa labor docente cunha formación continua en diversos campos.
Traballa como coreógrafa e profesora de reggaetón e heels en Sondanza e outros centros da cidade.

Creativa, entusiasta e perfeccionista. Sinte devoción pola danza dende ben cativa e comeza a bailar ós nove anos en Ourense, a súa cidade natal. O tempo e a súa ensinanza académica lévana a Santiago de Compostela onde compaxina os seus estudos universitarios cos de danza.
Conecta con Sondanza, como alumna, nos seus inicios cursando salsa e bachata sensual durante varios anos. Na actualidade, continúa formándose no ámbito da danza e da ensinanza formal, exerce como profesora de bioloxía e retorna á escola para incorporarse ó equipo docente.

Orixinaria da cicidade de Buenos Aires, trasladouse a vivir na súa adolescencia a Santiago de Compostela, onde comezou a formarse en diferentes estilos de Danza Oriental fai 13 anos da man de Martha Franco. Despois seguiuse formando con Silvina Giménez e Gamal Aboegela en A Coruña. Asistiu a Seminarios en Madrid, Portugal, e diferentes cidades de Galicia con mestres de moito prestixio. Leva 7 anos desenvólvese como profesora desta danza. Dende fai anos participa en espectáculos de Cabaré e Burlesque da compañía Bolboretas de A Coruña.